სტუდენტების პროტესტი

 

ალბათ, ძნელი მისახვედრი არაა, რომ მე თბილისის სახელმწიფო უნივერსიტეტის სტუდენტი ვარ და ამ ბლოგზე მის შესახებაც ვაპირებ წერას.

დღეს სწავლა დაიწყო. ჩემთვის ეს უკვე მეხუთე სემესტრია. ვფიქრობ, ჩვეულებრივი სტუდენტი ვარ – არც ძალიან წარმატებული და არც ბოლო რიგებში მყოფი. ამას თავიდანვე იმიტომ ვუსმევ ხაზს, რომ ვინმემ არ იფიქროს ლექტორებსა და ადმინისტრაციაზე დაბოღმილს აუცილებლად რაიმე ცუდის გამოძებნა მინდა.

დაახლოებით მსგავსი ბრალდება წაუყენეს დღეს იმ სტუდენტებს, რომელთაც საუნივერსიტეტო განათლების სისტემასა და თსუ-ში არსებული პრობლემები გააპროტესტეს.

თვალსაჩინოებისათვის, უყურეთ ”ლიბერალის” რეპორტაჟს:

განათლებისა და მეცნიერების მინისტრი, დიმიტრი შაშკინი ყველა სტუდენტს და, განსაკუთრებით, პირველკურსელებს ულოცავს სწავლის დაწყებას და არწმუნებს, რომ ”საქართველოში ყველაზე მაგარ უნივერსიტეტში ჩააბარეს, სადაც მაღალი დონის განათლებას მიიღებენ.”

თუმცა თავადვე ამბობს, რომ ობიექტური არ არის… ამის გამართლება კი, ისაა რომ ეს მისი მშობლიური უნივერსიტეტია. მერე რა, ჩემთვისაც მშობლიურია, მაგრამ მის ობიექტურად შეფასებაში ეს ხელს არ მიშლის.

ამიტომ ძალიან ხმამაღლა ვიტყვი: თსუ-ში მაღალი დონის განათლებას ვერ მიიღებ!!!

ალბათ ხშირად გაგიგიათ, რომ ამბობენ ”თუ სწავლა გინდა, ისწავლიო”. ნუთუ ეს უნდა იყოს მოუწესრიგებელი ცხრილების, გადავსებული აუდიტორიების, არარსებული ლიტერატურის, ქსეროქსებში გადაყრილი ფულის და კიდევ უამრავი სხვა პრობლემის გამართლება?

არ შეიძლება, რომ სწავლისთვის კარგი პირობები შეიქმნას და ადამიანი, რომელიც 4 წლის შემდეგ ამ უნივერსიტეტიდან გავა, თავს სამამულო ომის გმირად არ გრძნობდეს, რომელმაც მრავალწლიანი ბრძოლის შემდეგ რაღაცას მიაღწია?

თუმცა, ჩვენი რექტორი, სანდრო კვიტაშვილი ამ ყველაფრიდან უფრო მარტივ გამოსავალს ხედავს და უკმაყოფილო სტუდენტებს უბრალოდ უნივერსტეტის დატოვებისკენ მოუწოდებს შემდეგი სიტყვებით: ”თუ ვინმე რამეს გატყუებთ, ძალიან გთხოვთ, თქვენს თავებს მიხედეთ და ჩვენ ნუ გვაწუხებთ!”

აი, ასე: როდესაც თავს მოტყუებულად ვგრძნობთ, თურმე უნდა გავჩუმდეთ და ჩვენი მომტყუებლები არ შევაწუხოთ… ჩვენს რექტორს ბავშვობაში ბაღი არ მოსწონებია და ამის შესახებ ხმამაღლა უთქვამს (თუ უტირია?)… ნუ, მოკლედ, რა მნიშვნელობა აქვს, მთავარია, რომ სხვაგან გადაიყვანეს. ჩვენ უნივერსტეტში რაღაც პრობლემებს ვხედავთ – უნდა გადავიდეთ. მაინტერესებს, როდესაც არა სასწავლებლის, არამედ ზოგადად ქვეყანაში არსებული პრობლემების წინაშე გამოვთქვამთ პროტესტს, ქვეყნის დატოვებასაც ხომ არ მოგვთხოვს?

ვიდეოს ბოლო ნაწილში, ალბათ, შენიშნავდით, რომ უკმაყოფილო სტუდენტები რექტორისაგან ითხოვენ ხელშეუხებლობის გარანტიას. მათთვის, ვინც საქმის კურსში არაა, განვმარტავ, რომ ჩვენი უნივერსიტეტისთვის არც ცემა-ტყეპაა უცხო ხილი. შარშან, ჩემს თვალწინ თვითმმართველობის წევრებმა 2 ბიჭი გალახეს. მაშინ ისინი სახელმძღვანელოების თარგმნას ითხოვდნენ…

დღევანდელი მოვლენების შესახებ ხმა არ ამოუღიათ არც რუსთავი2-ის და არც იმედის ჟურნალისტებს. ზუსტად ამიტომ გადავწყვიტე ამ ბლოგის გახსნა და იმ პრობლემებზე წერა, რისი შეცვლაც გვინდა… და არა მათგან გაცლა და თვალის დახუჭვა (როგორც ამას ჩვენი რექტორი გვირჩევს ) .

Advertisements

5 thoughts on “სტუდენტების პროტესტი

  1. “დღევანდელი მოვლენების შესახებ ხმა არ ამოუღიათ არც რუსთავი2-ის და არც იმედის ჟურნალისტებს.” – და ელოდებოდი?

    • uaresi problemebi gvakvs ilias universiitetshi ..yoveli semestris dasacyisi brdzolaa,argusma chemi sisxli dacova…daicyeba tu ara sagnebis archeva yvelani sagonebelshi vart neta ra avirchiot da ra ara,romelia savaldebulo,da sanam movipikrebt jgupebi gadachedilia.mere midis 4 da 5 saatian rigshi dgoma dekanattan ro rame gaarkvio da axal jguoshi dagamaton da girchion romeli sagania shentvis aucilebeli.amden xans rigshi dgomis shemdeg shedixar da axalgazrda gacripuli gogo gaocebuli dagabadruli saxit getyvis ro azrze ar aris arafris da es mas ar exeba..da arc is ician mtel universitetshi vis ra exeba…meotxe kursze var da ise vamtavreb ro kreditebi ar meyopa an zedmeti gamomdis orive variantshi puli makvs gadasaxdeli…xoo kidev es ra studentobaa scavla ise unda davamtavro rom erti normaluri studentobis megobari ar unda myavdes imitom rom yovel semestrshi axal 90 kacian jgupshi var da naxevari universiteti chemi kurselia…clevandeli monacemebit ro kitxo pirveli universitetia saqartveloshi ilias universiteti..meti ra utxari magat rogor damtanjes mteli 4 celi da kidev momicevs mgoni mexute celic…komentaris kvalobaze didi gamomivida ado magram es yvelaperi unda amomentxia…

      • ასე მგონია, ამას თსუ-ს სტუდენტი წერს :) დამიჯერე, აბსოლიტურად იგივე სიტუაციაა ჩვენთან. მომდევნო პოსტებში ამ ყველაფერს დეტალურად განვიხილავ და ამას შენ თვითონ მიხვდები…
        ისე, უნცაურია, ამბობდნენ, ილიაუნიში უკეთესი სიტუაციააო… :|

  2. მესაფლავე says:

    ეგრე იყო, არის და იქნება.
    კრიშა თუ არ აქვთ სტუდენტების ამ გამოსვლებს არანაირი აზრი არ აქვს, სამწუხაროდ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s