რა კარგად გამოიყურები :)

რატომღაც მომინდა, რომ დამეწერა იმ დღეებზე, როდესაც კარგად გამოიყურები. ამას ყველა აღნიშნავს და პირველ რიგში შენ ამჩნევ, როდესაც დილით იღვიძებ, სარკეში იხედები და, ვუალა: შენი კანი და თმა თითქმის იდეალურ მდგომარეობაშია.

skin

პირველი არ ვარ ვინც ამას ამბობს, მაგრამ ჩემი თავიც და ბევრი სხვაც მაკიაჟის გარეშე ბევრად უფრო მომწონს, თუმცა ბოლო დროს უფრო და უფრო იშვიათად ვახერხებ ტონალურის გარეშე გარეთ გასვლას.

ამის მთავარი მიზეზი, ალბათ, უძილობაა. ახლა რომ ღამის 4 საათია ზუსტად იმას ნიშნავს, რომ დილით იდეალური კანით ვერც ერთ ვარიანტში ვერ გავიღვიძებ. ყველაფერს რომ თავი დავანებოთ, თვალების უპეები მექნება ჩაშავებული და მომიწევს კონსილერით გავიღიავო.

ყოველდღე ვპირდები ჩემს თავს, რომ ადრე დავიძინებ, მაგრამ სანამ უკიდურესად არ დავიღლები, ამას ვერ ვახერხებ. გადავწყვიტე კიდევ ერთხელ ვცადო და ამ ყველაფერს ერთგვარი ჩელენჯის ფორმა მივცე. წლების განმავლობაში წაკითხული და გაგონილი რჩევებიდან 3 მაინც რომ გავითვალისწინო, იქნებ შედეგიც დავინახო და წლების შემდეგ ჩემს შვილიშვილებს “სილამაზის საიდუმლო” გავანდო.

ცოტა ხნით დავივიწყოთ  თავის მოვლის ძვირადღირებული საშუალებები, ხილ-ბოსტნეულისგან სახლში დამზადებული ნიღბები და ვიზიტები კოსმეტოლოგთან. ალბათ, ეს ყველაფერი ვერაფერს გიშველის თუ ძირითად რუტინას არ ასრულებ:

  1. გძინავს 7-8 საათი მაინც და ისიც თავის დროულად – ახლა რომ დავიძინო და შუადღისას გავიღვიძო, ალბათ, არ ჩაითვლება. იდეალური დრო 12-დან დილის 8-მდეა.
  2. სვამ საკმარისი რაოდენობის წყალს – ამას ნამდვილად ვერ დავუკარგავ საკუთარ თავს. დღის განმავლობაში 2,5 ლიტრს მაინც ვიღებ, თუმცა მაინტერესებს, იქნებ ონკანის წყალი სულაც არ ითვლება?
  3. არ ეწევი – No comment.
  4. ერიდები ულტრაიისფერ სხივებს – სოლარიუმში არასოდეს ვყოფილვარ. მზეს რაც შეეხება, მგონი, პირიქით, მისი ნაკლებობა მაქვს. ზამთარში განსაკუთრებით, თითქმის მთელ დღეს indoor ვატარებ. თუმცა, უცოდველი ნამდვილად არ ვარ – ზაფხულობით გასარუჯად არანაირ დამცავს არ ვიყენებ და SPF-ის შესახებ საერთოდ 2 თვის წინ გავიგე.
  5. მაკიაჟს ყოველთვის იშორებ სახიდან – ნამდვილად ასეა! როგორც კბილების გამოხეხვის გარეშე ვერ დავიძინებ, ასევე მაკიაჟით ვერ ჩავწვები საწოლში.

ვნახოთ, გაამართლებს თუ არა ჩემი გამოწვევა მომდევნო 10 დღის განმავლობაში. შედეგს აუცილებლად გაგიზიარებთ და დამატებით რჩევებსაც სიამოვნებით მოვისმენ. იქნებ მე რაიმე გამომრჩა?

 

 

Advertisements

ჩასაფრებული ვეფხვი, დამალული დრაკონი

ნანახი გაქვთ ეს ფილმი? მე არა.

სათაური გამახსენდა უბრალოდ, იმიტომ რომ მოლოდინზე მომინდა დაწერა. მოკლედ, აი ისეთ მოლოდინზე, რაღაც დიიიდი ცვლილება რომ კარს მოგდგომია, მაგრამ ჯერ ბოლომდე გაცხადებულიც არ არის, ერთი სული გაქვს როდის ამოთქვამ და მოსდებ ქვეყანას, მაგრამ ცოტაც უნდა მოითმინო და ხარ ასე გარინდული, როგორც ჩასაფრებული ვეფხვი, დამალული დრაკონი :)

 

comfortably.

Hello!

Is there anybody in there?

Just nod if you can hear me.

Is there anyone at home?

ხანგრძლივი პაუზის შემდეგ ბლოგზე წერა ძალიან მომენატრა და სამუშაო დროიდან ნახევარი საათის მოპარვა გადავწყვიტე.

ბოლოს რომ შევხვდით ნოემბერი იყო და “უკანასკნელი ფოთლის” ჩამოვარდნას ველოდებოდი, მაგრამ ყველაფერი უკეთესობისკენ შეიცვალა.

change

Life has been treating me quite well lately. ან პირიქით – მე შევხედე ცხოვრებას სხვა მხრიდან. ჰო, ჰო, ასეა!

დოდკამ დაწერა რამდენიმე კვირის წინ პოსტი ახალ ბლოგზე “Fail Fast” და ტრადააამ! ყველაფერი განათდა: პროექტი, რომლის წამოწყებასაც მე და ნუცა ვაპირებდით და რომლის ჩაშლაზეც დაახლოებით ისე ვინერვიულე, როგორც ჩემს ცხოვრებაში ყველაზე სევდიანი განშორების ჟამს, ჯერ არც კი არსებობდა. ანუ I failed even faster :)

დღეს რა ხდება ჩემს ცხოვრებაში? – ერთი შეხედვით, არაფერი განსაკუთრებული, მაგრამ

  • 2 თვეა დავიწყე მუშაობა Gingers-ში – პატარა, საყვარელ მარკეტინგულ სააგენტოში, რომელიც ჯერ 1 წლისაც კი არ არის. ბოლო დროს აჩემებული მქონდა ამ სფეროში გადმობარგება და აი, მეც აქ ვარ.
  • ასევე, 2 თვეა დისტანციურად ვეხმარები ჩემს მეგობარს სარეკლამო კომპანიის მართვაში. ორივე შემთხვევაში, ვსწავლობ ბევრ საინტერესო და საჭირო რამეს.
  • ბოლო წლების განმავლობაში, მგონი, პირველად ვარ single ამდენი ხნის განმავლობაში. რა თქმა უნდა, არ ვთვლი პატარ-პატარა ფლირტუშკებს :)
  • მაქვს ერთი, კონკრეტული და დიადი მიზანი და ზუსტი გეგმა, რომელსაც ნაბიჯ-ნაბიჯ მივყვები.
  • საკუთარ თავთან ვარ სრულ ჰარმონიაში და ველი გაზაფხულს.

როგორ ხართ თქვენ? :)

 

 

უკანასკნელი ფოთოლი

ო’ჰენრის აქვს ერთი პატარა, ძალიან კარგი მოთხრობა “The last leaf”… თუ წაკითხული გაქვთ, მიხვდებით ახლა რასაც ვიტყვი – თითქოს ზუსტად ეს უკანასკნელი ფოთოლი ჩამოვარდა ჩემთვის…

fb_img_1477222473974

გქონიათ ცხოვრებაში ისეთი პერიოდი, როდესაც არაფერი გამოგდით? ყველაფერი თქვენგან დამოუკიდებლად ფუჭდება და უკან მიდის… ზუსტად ასე ვარ ბოლო დროს.

ოჯახი, სამსახური, პირადი ცხოვრება – სრული კრახი.

და მაინც იმედს არ ვკარგავდი, ვცდილობდი კარგი განწყობა შემენარჩუნებინა და “პატრონუსის” თეორიას მივყოლოდი, რომელიც დემენტორების დამარცხებაში გეხმარება.

ზუსტად ასე გაჩნდა ჩემს ცხოვრებაში იდეა, რომელიც ერთადერთი ნათელი წერტილი იყო და რომლის განხორციელების შემდეგაც, მჯეროდა, ყველაფერი უკეთესობისკენ შეიცვლებოდა.

თითქმის მთელ ჩემს დროს ამაზე ფიქრს ვუთმობდი, უახლოეს მეგობრებსაც გავუზიარე და ერთ-ერთ მათგანთან ერთად დაგეგმვაც დავიწყე, თუ როგორ მოგვეყვანა სისრულეში. ეს უნდა ყოფილიყო ერთი პატარა, საყვარელი Start up, რომელიც ადამიანებს სახეზე ღიმილს მოგვრიდა და მათ ყოველდღიურობას გააფერადებდა.

დავიწყეთ მზადება და ვფიქრობდით, რომ დეკემბერში დაგვეწყო, თუმცა გუშინ აღმოვაჩინე, რომ ზუსტად 3 დღის წინ აბსოლიტურად იდენტური იდეა სხვამ უკვე რეალობად აქცია.

ალბათ, ვერავინ მიხვდა რატომ განვიცადე ასე ძალიან ეს ამბავი – ხდება ხოლმე რომ ერთნაირი იდეა სხვადასხვა ადამიანებს ერთდროულად ებადებათ და შემდეგ ყველაფერი დასწრებაზეა, მაგრამ მე ამისთვის მზად არ ვიყავი.

მართლა ვერ ვუშვებ, რომ დამთხვევაა. მგონია, რომ ცხოვრება უბრალოდ დამცინის. ვიცი, გიჟის სიტყვებს გავს, მაგრამ სხვა ახსნას ვერ ვპოულობ.

მუსიკალური კვირის დღეები

ინსპირაცია

მუსიკის კალენდარი

მართალია, გიორგი გვიმტკიცებს, რომ ყოველი დღე შაბათია, თუმცა მე მაინც დავასრულებ მის დაწყებულ საქმეს და კვირის დღეების ფლეილისთს შემოგთავაზებთ.

music

ორშაბათი – მძიმე და ლურჯი :)

New Order – Blue Monday

Continue reading

თვეში ერთხელ მაინც დავწერო

სექტემბერი ისეთი თვეა, ცოტათი ახალ წელს რომ გავს. აი, პატარ-პატარა თასქების დაწყებას ორშაბათისთვის ვდებთ ხოლმე, უფრო დიდი გეგმებისთვის კი სექტემბერია.

My new life chapter one concept for fresh start, new year resolu

Chapter 12737282 :D

თან უცნაური ისაა, რომ ამდენი სამსახურის მიუხედავად, არც ერთ მათგანში შვებულების გამოყენება არ დამჭირვებია – ზაფხულში ყველა ქუდს იხურავდა და არდადეგებზე მიდიოდა. შეიძლება ითქვას, რომ საბავშვო ბაღიდან მოყოლებული ამ რეჟიმში ვარ და ყოველ ზაფხულს გემრიელად ვისვენებ.

წელსაც ასე, ივნისის ბოლოს დასრულდა ჩვენი პროექტი და გადავწყვიტე სექტემბრამდე დამესვენა, შემდეგ კი ისევ ახალი სამსახურის ძებნა დამეწყო. თუმცა ამჯერად ძალიან მინდოდა (და კვლავაც მინდა), რომ უფრო სტაბილური საქმისთვის მომეკიდა ხელი.

ცალკე პოსტი უნდა დავწერო იმაზე, თუ როგორ განვითარდა მოვლენები – ჩემთვის აბსურდულ სიტუაციაში აღმოვჩნდი, თუმცა ამაზე მოგვიანებით.

მოკლედ, სექტემბრიდან ახალი ცხოვრების დაწყება არ გამომივიდა, თუმცა ოქტომბერსაც რა უჭირს? :D

Holly days :)

2 წლის შემდეგ რუმინეთში დავბრუნდი. ძალიან მიხაროდა და ველოდი იმ მომენტს, როცა თვითმფრინავი ბუქარესტის აეროპორტში დაეშვებოდა. ამჯერად უკვე ყველა დეტალი მახსოვდა და თან არც მარტო ვიყავი. არადა, დღემდე მახსოვს როგორი დაბნეული ვიყავი სულ პირველად.

oooooo

 

რამდენიმე ძველი ნაცნობი ვნახე, თუმცა არა ის ადამიანები, ვისთანაც ყველაზე მეტი ემოცია და თავგადასავალი მაკავშირებდა. სანამ წავიდოდი, ვეკითხებოდი ჩემს თავს – მართლა ეს ქვეყანა მიყვარს ასე ძალიან თუ უბრალოდ იმ 8 თვეს “მივტირი”-მეთქი… აღმოჩნდა, რომ ორივენიცა :D

საქართველოში დაბრუნებისთანავე 1 კვირა არ ამომისუნთქავს – შაბათს გამთენიისას ჩამოვფრინდი, დავიძინე და საღამოს “მზესუმზირას ეზოზე” ავედი. შემდეგ იყო ჩვენი კამპანიის დახურვა ფოთში. ჩემს ცხოვრებაში ეს იყო პირველი პროექტი, რომელმაც თავიდან ბოლომდე ჩემს ხელში გაიარა. ძალიან დიდი გამოცდილება მივიღე და ბევრი ახალი თვისება აღმოვაჩინე ჩემს თავში.

lll

ფოთიდან კი პირდაპირ Tbilisi Open Air-ზე აღმოვჩნდი. წელს, ჩემთვის, არც ისე საინტერესო line up იყო, თუმცა ამ ფესტივალის ერთგული გულშემატკივარი ვარ და, რა თქმა უნდა, არ გამოვტოვებდი. ძალიან მომეწონა ახალი ლოკაცია. იმედი მაქვს, რომ მომავალ წელს ჩემს საყვარელ მუსიკოსებსაც მოვუსმენ და ისეთივე მძაფრი ემოციები მექნება, როგორც შარშან.

ახლა რამდენიმე დღეში GemFest-ზე მივდივარ. მერე კი აუცილებლად კარგად უნდა დავისვენო -აგვისტოს მეორე ნახევრიდან სოფელი, ჰამაკი და წიგნები მელიან.

hhh

იმედია, თქვენც სასიამოვნოდ ატარებთ ზაფხულს. დააგროვეთ ბევრი საინტერესო ამბავი და აუცილებლად მოგვიყევით.